حكى النسوان

ما شاء الله ما يحكوا غير عن فلان وعن علتان
بس مو كلهن نصهن



ام جميل : مين هالبنت الي ماشية..



ام رافت : هاي بنت ام رزق.. بنت مؤدبة بس بقوله عنها مصاحبة ابن ام عزو.....



ام جميل : ابن ام عزو مصاحب بنت ام رزق؟ عزاااا !!!



ام رافت : يييي وانت مش دارية.. مش بحبه بعض الهم 5 سنين..



ام جميل : اه وسمعت انو ام رزق بدهاش ابن ام عزو..



ام رافت : والله مني عارفة يختي .. هو بتلاقي ام رزق احسن من ابن ام عزو...



ام جميل : ييي ييي اسكتي وتخلنيش احكي.. خلي الناس بحالهم..



ام رافت : عزااااااااا شو في احكي.. احكي يا ام جميل..



ام جميل : مهو هاذ ابنها لام عزو داير ورا صبية ثانية بنت ام ثروت..




ام رافت : يي يي يي يعلينا وامه دارية بالموضوع؟

ام جميل : امه بالمستشفى .. مش جلطها من خراريفه..



ام رافت : والله يختي يا ام جميل , بنت ام ثروت هاي مشيها مش ولا بد...



ام جميل : بعرف بعرف يا ام رافت... مش عارف ليش بخلفه وبرمه...



ام رافت : يا لطيف ومين هاي الي ماشية بالشارع؟



ام جميل : يسعد يومها هاي بنت ام محمود ..



ام رافت : الامانة لله بنت مؤدبة ومحترمة بس ثمها اجكم..



ام جميل : يعلينا.. ثمها اجكم.. وبقول مالها ام حسن ما وافقت ابنها حسن يخطبها.....



ام رافت : دشرك من حسن وسيرته هذا فاضي ومش لاقي حدا يؤدبه..



ام جميل : ليش يا ام رافت مالو مقصوف هالعمر..



ام رافت : هاذ داير ورا بنتي الو سنتين واحنا مش موافقين عليه..

ام جميل : اوعي يي اوعي يا خايسة... بنتك بتستاهل ثقلها ذهب..



ام رافت : بدك تقوليلي عن بنتي يا ام جميل..



ام جميل : والله يختي يا ام رافت ... لبنتي انا تقدمه بشهرين 45 عريس.. اشي دكتور واشي جراح واشي طبيب جراح لجورج وسوف.. واشي مهندس.. بس البنت لسا زغيرة سع ما قطعتش ال 28 ........



ام رافت : يييييي تقوليليش عن بنتك.. بنتك ملاك بنتك يا ريت تبقى وحدة مثل اخلاقها.. بنت ثقلها ذهب وماس ( وبينها وبين حالها بتقول ثقلها بصل مقشر)...

هيك حكي النسوان ها الايام مين بحب التاني
ع العموم مشكورة اختي

يخت بعرف بعضهم مو كلهم ومكثوب فوق كمان يا ستي

ههههههههههههههههههههههههه
مشكوووووورة اخت لميس
تحياااااااتي

ايه والله صح هيك حكي النسوان بنت فلان وابن فلان
وهاي شو عملت وهاي بنت مين وهدا ابن مين هاي
شغلة النسوان 24 ساعة

والله صحيح هدا حكى النسوان
يسلموووووووو الك ع الموضوع
ومو كلهن مثل ما حكيتى
والله يهدى الجميع