يوميات طفل
هذه الكلمات مســـروقه من (دفتر) طفل ..
كتبها بعامية اللغه.. ودهشة السؤال!!
الســـبت..
فتحت عيوني..ادور عن النور..امروني((غمّض عيونك))
بعدماغمضت
لاشفت لاابيض ولاأسود.؛؛؛
الأحـــد..
كنت اسمعهم يقولون: (ألعن أبوك).(ياحمار).(ياحيوان).(ياثور)
فتوقعت اني في حديقة حيوانات..فتحت عيوني ابغى اشوف هالحيوانات
قالوا لي :: مايصلح تشوف قلة أدب ...!
الاثنــين..
سمحوا لي أشوف التلفزيون.. كنت لحالي منسجم مع افلام كرتون..دخلت أمي..
وكان ابو عائلة آدمز (يبوس) المهم
ركضت أمي..غيرت القناة..وصرخت باعلى صوتها عيب عليك..قاعد تشوف قلة ادب!!
ونظرتلها بكل براءه وانا متعجب من اللي صار::
((طيب وش فيها ؟؟ ابوهم يبوس امهم ))
قالتلي وهي معصبه مررررررهـ:
التبويس قلة حيـاء !!
بعدها باسبوع.. شفت امي تسلم على ام الجيران و(تبوسها)
قلت لها وانا كلي اسى:
ياماما التبويس قلة حيـــاء!!
الثلاثــــــــاء..
كانوا بنات خالاتي عندنا وكنت الولد الوحيد اللي يلعب معهم..
وأبوي بس يبحلق فيني وين مارحت ووين ماجيت..
بعد ماراحوا : ناداني ابوي وقال:
((عيب الواحد يجلس مع البنات قلة أدب!!
بعدهاا بأسبوع.. كان ابوي جالس مع عماتي..ناظرته
بطرف عيني ((وتبون الصدق نقدت عليه)) وقلت له:
اللي يجلس مع بنات قليل ادب!!
الأربعـــــاء..
كنت اسمعهم يقولون صداام قوي واعجبني..بعدالازمه قالوا:
حرامي ومجرم.. سألتهم ((كيف؟؟))
قالوا:
حرامي ومجرم وبــٍس ((اسكت)).........
وكنت اسمعهم يقولون ((جيم كري)) فاسد..
فكرهته على طووول
وكانوا يشوفون أفلامه ويضحكون
كنت اسالهم ليه تضحكون؟؟
هماه فاسد؟!!
قالوا.:
ورى ماتنطم بس .....!!
الخميـــــس..
أبوي يقول التتن حراام..واللي يدخن يدخل النار..
وفي يوم شفت ابوي جالس مع صديقه ابو خالد
ماسك السيجاره بيده..
وقفت وسالت ابوي:
طيب اللي يجلس مع اللي يدخنون..يدخل النار بعد؟؟!
الجمعــــه..
اسمعهم يقولون إن اللي يطول في المكالمه يغـــازل!!
واللي يروح للسوق يغازل..
واللي يعرف لانترنت يغازل..
وأمــــي..تطول عالتيليفون..وتروح للسوق..وتطقطق عالكمبيوتر
رحت لابوي وانــا مصدوووووووم!!!
((أبــــــــوي ألحق أمي تغـــــــازل))!!!!؟؟؟؟
أتمنى يعجبكم
/
/
/