[b][b]صعب لا منك فشلت .. و صعب لا منك لقيت
ان من يكــره نجاحك .. يدري إنـك ما نجحت!!
أمس ضقت .. ورحت اقلب ذكرياتي .. وانتهيت
عند صورة طفل صوته مثل صوتي لا... انجرحت
وش مثل؟! لا والله إلا هذا انا يوم ابتديت
انطق حروفٍ تلعثم في لساني لا... انمدحت
هذا انا يوم الحياة ف نظرتي عشرين بيت
و مسجدين و مدرسه من طين كم فيها اصطبحت
هذا انا ..
واصبحت اتمتم (هذا انا ) حتى بغيت
اختنق .. بس القدر عيا على موتي.. و طحت
وصاح صوت الطفل فيني : إنت من وين ارتميت!!
قلت أنا المستقبل إللي فيه كم همت وطمحت
امس كنت ابيك تكبر .. بس و الله لو... دريت
إني إللي عشت لجله .. مت عندك و استرحت
لو دريت ان الزمان يجر رجلي ما... عديت
ولو دريت ان البحور بلا مواني ما... سبحت
كان دربك لي طويل .. و كل ماشفتك هويت
قلت لك كبوة جواد وما كبيت الا و... جمحت
ليه تسمعني وتمشي .. آه ليتك ما مشيت
وآه ليتك من كثر عثرات الايام انتصحت
ضاعت أحلامي.. و ضل الحزن فيني و اهتديت
للطريق إللي يوديني على دمعي ورحت
يالحزن ليتك مثل دمعي و تنزل لا... رقيت
بس اعرفك لو مسحت الدمع تبقى ما انمسحت
كان حلمي في وجود إنسان يبكي لا... بكيت
وصار حلمي في وجود انسان يفرح لا... فرحت
كنت اشوف الناس مثلي كل ماجعت و ظميت
مادريت إن الاوادم ناس فوووق,, و ناس تحت
آه يا أول ذكرياتي .. خذني ف حظنك نسيت
لا أسألك عن وجه ابوي إللي معه ياما سرحت
خذني ف حظنك ابغفى .. يااااه مبطي ما غفيت
و إن لمحت دموع عيني .. سو نفسك ما لمحت
خذني ف حظنك وبعثر في جرحي .. و إن قضيت
هز لي كتفي وقلي : عيب تبكي لو سمحت
أضحك .. وعلم زماني من انا .. ومن وين جيت!!
طق باب الحزن... وأصرخ في لامني فتحت
وضمني يمك .. وكمل ضحكتك لا من بكيت
ودي اذكر كيف كانت ضحكتي .. لامن فرحت[/b][/b]