اهداء الي صديقاتي الغاليات
اهدي صديقاتي بعد غيابي الطويل عن المنتدى بسبب تجهيزي لفرحي عقبال الكل يارب ابيات شعرية من بلدي الحبيب
ملى قدك خود القلب والروح كان إتسدك
من يسواك ماحد عايش فى الحياة لولاك
إنت ونس للروح ويت تراك تطلب عيونى ليك كيف إنردك
_________________
كان فاض بيك الشوق_ورقّت مع طول البعاد اعزامك
طيفي عليك ايتوق_غمض عيونك يرتسم قدامك
فالحال يمسحلك مدامع سالت
وتزهر ورود الصوب بعد اذبالت
ويزرع البسمة في دروب ايامك
_________________
وين ياونسها وين
لك وقت غايب عنها
تنشد عليك العين
عن حالتك طمنها
ابعثلها مرسال
فيك تنتظر مازال
ومازال طيفك والغلا ساكنها
_________________
مانقدروها غيبتك
ياصاحبي لكن احكام وصارت
يللي بعد تغريبتك
لوتندري هالعين ياما دارت
ولوتندري هالشوق وين حذفنا
ولوتندري مالوقت ياما شفنا
تواريت والفرحة معاك توارت
_________________
ابعث مرسالك والله توق
معاه انروق
يبرد في نيران الشوق
_________________
يابعيد علينا . كل يوم طيفك فالمنام يجينا_ماغبت عنّا
مايوم عنّا غبت . حتى وانت متباعد وماقرّبت
في غيبتك طيفك النا عقبت . كل يوم ياغايب يونس فينا
_________________
ماهن رفاقـه ديمـا قليـل ويـن تجمعهـن طريـق سقيمـه
لــــقــــســـــام والــــــغـــــــلا
قليـل زهاهـن وقليـل ويـن فـي ساعـة صفـا تلقاهـن
مـكـثــور وقـتـهــن متـخـالـفـات خـطـاهــن
مــزاعـــلات لاضــحــكــه ولاتـسـلـيـمــه
_________________
جاهم النوم وناموا . اللي واخدين العقل مايلتاموا. أعزاز رقدوا
_________________
هات الحطب وأحرقني . الموت عندي خير ماتفارقني .
وأنا مسامحك
_________________
ان جيت ايجوها-غوالي علي غفلات ويوعوها-يانوم في عيني
_________________
من قالها من قالها
تنسى العين دلالها
نا زاد مانخليها
تنساك ياغاليها
والله مانابالها
_________________
عزيز مخالف ان والفت يجفا وان جفيت يوالف امعايا فالغلا خيره _________________
نسهى ونقسى إندير روحي ناسي نلقاك وسط النبض وبين انفاسي
_________________
لكم مخلوق ..... وعندى معاكم فالحنان عروق ..... تقول من ربى _________________
وموش قساوة .... أمغير جرحته مكنت وما تداوا ... هو رخّصه قدري
كنت حبيبه .... هوا جرح القلب دار العيبة
وجت جرحته قدام ناس قريبة .... ما نقبله جرحه أمنين تقاوا
اللي خاطري يا ناس عاف سريبه ... والعيب قابل عيب بيه تساوا
كان لرض ماشالاتك .. نشيلوك بين اهذوبنا
انكان لرض ماشالاتك .. نحطوك وسط اقلوبنا
انت عندنا بالدنيا .. نوودوك عنية قنيا
ماتهون يامحبوبنا
راه الفرج اقريّب . بيد خالقك واللى خلق مايسيب
لا تحزني
الخميس 22 أبريل - 15:29
