[مشرف راح يخطب عروس

بسم الله الرحمن الرحيم
السلام عليكم ورحمة الله وبركاته

من زمان ما دخلت إعذروني بس من شان الامتحانات جيت أفرفش اشوي



[مشرف راح يخطب عروس
*.*



والد العروس/ منور يا ابني.


العريس / هذا نورك يا عمي.


والد العروس/ اشرب الشاي .


العريس / شكرا.


والد العروس/ شو كان بدك؟


العريس / يا عمي أنا يسعدني ويشرفني اني أتقدم واطلب ايد بنتك.


والد العروس/ والله يا ابني أنا بتشرف بس بعرفش عنك شي.


العريس / هاي قائمة بكل أسماء المواقع اللي أنا فيها ممكن حضرتك تسال عنى.


والد العروس/ يعنى اسأل عليك في ألاماكن هاي؟


العريس / طبعا وأنا معروف جدا هناك بس اسأل عن المشرف ( ياسر ) :laugh:


والد العروس/ مين؟


العريس / (ياسر) ........ أنا.... فش حد على النت ميعرفنيش.


والد العروس/ طيب شو بتشتغل؟


العريس/ يا عمي أنا مشرف.


والد العروس/ ماااااشي شو يعني ؟


العريس/ مشرف قد الدنيا في قسم (يعني يا عمي رئيس قسم)انت فاهمني ؟



والد العروس/ حلو .... كمبيوتر يعني ؟


العريس/ تقدر تقول هيك.


والد العروس/ طيب حلو مهندس كمبيوتر ..... وشغال مشرف ,
ليش ماقلتش هيك من الأول؟


العريس/ أصلي مش مهندس أنا محاسب


والد العروس/ الله يجيبك يا طولة البال .... طيب ما علينا .... بتشتغل وين؟


العريس/على الكمبيوتر بتاعي


والد العروس/ ماشي في أي شركة يعني؟

العريس/ لا تبع نفسي


والد العروس/ وماله الشغل الحر مفيش أحسن منه ,
طيب شركتك وين ؟ ولا فاتح محل؟


العريس/ لا في البيت عندي عادي


والد العروس/ طيب كم راتبك ؟


العريس/ لا يا عمي أنا ما باخذ راتب .... أنا بتعامل بالموقع مع كل واحد لوحده يعني فش أسعار ثابتة.


والد العروس/ طيب آخر موقع اخذت فيه كم ؟


العريس/ لا آخر موقع كان لواحد صاحبي دخلت فيه مشرف مجامله


والد العروس/ لا حول ولا قوة إلا بالله............
طيب ماعندك اي أملاك .... أراضي ... عمارات ...
اى شيء ؟


العريس/ آه طبعا عندي.


والد العروس/ ايوه طمني .......... عندك شوووو؟


العريس/ منتدى يا عمي

والد العروس/ شو هذا إن شاء الله !؟


العريس /هذا برضو على النت بس عندي فيه الان عشرين ألف عضو يا عمي


والد العروس/ ما شااااء الله .... يعني بدخل عليك مصاري ؟.


العريس/ لا بدفعوش أنا اللي نفسي أعطيهم عشان يشتركوا


والد العروس/ لا حول ولا قوة إلا بالله ...
طيب ليش يا ابنى هاي الغرامة ؟ .... وشو عامل ؟


العريس/ أنا راح اربح من الإعلانات ...
شو يا عمي انتا معي ولا ايش؟


والد العروس/ حلو المنتدى بتاعك هذا .... يشيل كام إعلان؟


العريس/ ممكن لحد عشرين.


والد العروس/ طيب وبعت الواحد بكم؟


العريس/ لا لسه محدش أعلن عندي


والد العروس/ طيب ياابني عايش منين ؟ ولا بتصرف منين ؟ ولا حتى هتعيش بنتى منين؟


العريس/منين شو بس ؟؟
يا عمي أنا معي فيزا محدش فى كل الضفة و وغزة عاملها.


والد العروس/ ياابني فيزا شووو؟
بس بقولك بدك تجيب مصاري منين؟


العريس/ من شغلتي والمواقع اللى أنا بشرف فيها.


والد العروس/ وهاي وييييييييييييين؟


العريس/أنا الان اعطيتك قائمة.... شو بتتخوث ؟؟؟؟


والد العروس/ لا ياابني انا بجوزش بنتي لواحد شغلته فى الهوا هيك.


العريس/عمي كل المواقع هاي على هوستات وماخده رانك كمان انت عارف أنا فى خلال سنتين
بس ................


والد العروس/ اسمعني


العريس/ نعم



والد العروس/ انت عارف لو غمضت عينى وفتحتها ولقيتك قدامى شو راح اعمل فيك؟


العريس/شو؟


والد العروس/ امشي اطلع بررررررررررررررررره



اسفين للمشرفين

يسلمووو بنت البلد

هههههههههه الله يعينكم يا مشرفين دبرولكو بنات من الان

صمت الكلام هههههههههه الله يعينكم يا مشرفين دبرولكو بنات من الان



هههه صمت الكلام يعنى كتيرر خايفة على المشرفين


ما تنقلى هم ياااااا


او المشرفين ....... احم احم ... ههههه

هههههههههه يسلموووو كثير