شخوص القصه: علي(البطل)
رتاج(البطله)
ام علي
أميره(اخت علي)
ام خالد(ام رتاج)
امل(بنت عم رتاج)
وليد(رفيج علي)
أحمد(رفيج علي)
.................................................. .................................................. ......................................
في أول ايام الدراسه وحوسه وخبصه واللي طالع واللي داخل, وانتو اكيد متصورين الوضع,هالسنه كانت اخر سنه لعلي ويتخرج,كالعاده ام علي تصرح وهازه البيت هز مو طبيعي عشان هالمدرسه,وأول ايام المدرسه شوفوا الامهات شلون يعانون الكل مو نايم وراسه يعوره واولهم علي,الام صاعده الدرج وتصرح:قعدوا مدرسه من الهم مسكينه تصعد وتنزل يمكن دخلت على علي وأميره طعش مره....
دخلت على علي....:عليوي.....عليوي........عليو!!!!!!!
علي: ها... ها ...ها...يمه حرام عليج خليني انام واغيب اول يوم دوام يرحم لي امج فيني...نوون..قصدي نوووم.
:وجعاه لا تقول ها بعدين انت ووجهك من اول يوم تبي تغيب.
تكلمه واهيا تسحب بهالحاف قطعته تقطع....واهوا مسكين ميت يبي ينام واهيا فوق راسه.
_ شوف بتقوم والا ا**ر راسك.
_لا تكفين خرعتيني....يمه اللحين باقعد بس والله ضلم من اول يوم اداوم.
_لا من اخر يوم داوم.. وبعدين لا تتطنز واقعد والله يا ولدي اللي فيني مكفيني.
_يمه لومبطله صراخ من وانتي تحت تصرخين راسي يعورني من كنتي تحت شحال انتي.
_زين اقعد
_يله يمه كااه باقعد بس طلعي عشان ابدل تكفين.
قعد علي وماله خلق ومنفس وطبيعي اللي فيه **ول كالعاده ونفسيته زفت,قعد من السرير يتثاوب ويمطع بهالايد الله يكون بعونه,راح صوب المغسله غسل وجهه وخذا فوطته للحمام ياخذ شور,ياحليله يغني:اه منك منقهر لا بقا عندي صبر^^^^^^^للمدرسه ^^^^^^^ طلع من الحمام ولبس ملابس المدرسه قميص ابيض وبنطلون رمادي والجوتي ابيض وقعد يطالع نفسه بالمنضرة:يا بوووي عالانييق"تكفى كله قميص وبنطلون مدرسه..
نسيت اقولكم شكل علي: طوله تقريبا 170 وزنه 68 حنطاوي وشعره اسود ناعم ودايم يهتم بشكله بشكل يصك عالبنات,حالته الماديه مستوره ابوه صاحب عقارات وامه ربة بيت,طبعا بعد ما لبس وضبط جنطة المدرسه ولبس نضارات رماديه وحسن الشنب ومشط شعره,ومتعطر الاخ كاشخ مو مدرسه رايح المرينا::::::::::::
.................................................. .................................................. ..............................
نزل تحت تريق معا ابوه وامه واخته اميره اللي مايواطنها كله مفتنه عليه ومطلعه فضايحه,وقعد عالكرسي واهو يخز فيها خز :الاخت مفتنه عليه يدخن بالحوش عن ابوها. عالعمووم كلا وباس راس امه وابوه وطلع,راح للجمعيه كعادته عشان ربعه وطبعا اهم احب الناس له واقربهم احمد ووليد,متأثر فيهم بشكل مو طبيعي,لقاهم عند باب الجمعيه يسولفون ويضحكون شاقين الا رض بفرفشتهم.
أحمد:سلام.......كل عام وانت بخير.
- اجرنا واجرك....شكو تقول كل عام انت بخير من زين اليوم روح بس الله يلوع جبدك عالصبح.
- وليد:يله هانت كله جم شهر يا صاحبي ونخلص.
- أحمد:شوفوا......ضلوا هني انا بادخل الجمعيه من الصوب الثاني.
- علي:والله فراغه من أول يوم انت ووجهك تواعد....معا شكلك تقول ضب منحاش.
- وليد:خله يعيش حياته حلاي هالوجه بو خشم.
- أحمد:لا خوووووش تطنزون بعدين من زمان مو شايفها ميت ابي اشوفها مشتاق لها مووت.
- وليد:منو زينه
- علي:لا يا ال*** هذي خلص عليها............عبير يقصد
- أحمد:خبركم عتيج هذي امل ست الكل.
- علي :ههههههههه تكفى ابي اضحك بس والله منفس جم وحده ولي يرحم امك انهيت حياتها من حلات وجهك البنات مايشوووفون خشمك صاك الشمس غايبه اليوم.
- وليد: رووح رووح لحد يمووت....
راح أحمد عشان يشوف حبيبته(اللي يقول انه مشتاق لها)احمد من دون منازع مايعرف اصلا شنو يعني حب يلعب وبس ماخذ البنات تقزيره,اما وليد ماله شغل بالبنات وعلي يمووت على شي اسمه بنات لكن شايف نفسه ومايتنازل,لف احمد الصوب الثاني من الجمعيه,وقعد يتلفت يمين ويسار يدور عليها لقاها بركن الكاكاوات لابسه لبس المدرسه ومتحجبه وتتلفت يمين يسار تدوره.......
أحمد: بس .......بس........زامووووا
امل:يمه خرعتني...........
أحمد:فديت المخترعه أنا امووت اذووب اسيح عالرقه.
من اسلووبه مبين نصااب...................
امل:وين كنت صارلي انطر نص ساعه...زين عاجبك الساعه 7 وثلث مابقى شي ويطق الجرس.
احمد: اسف حبيبتي....والله ماعودها حياتي جايه بروحج والا معاج احد.
امل: معاي بنت عمي رتاج.......شووفها هناك.
احمد: عادي عندها تشوفنا معا بعض.
امل:لا اصلا ماعاجبتها السالفه بس خليتها توقف سايقهم الجمعيه بالمووت.
في عز سوالفهم وضحكهم وغشمرتهم, نطوا عليهم وليد وعلي,يعني كبسوا عليهم كبسه خطيره.
علي:شتسوون ياعصافير الحب المغرده....ونجوم الليل المستهتره.
وليد:مواعدكم عجيب.
علي:لا خيي بالصبح وقبل المدرسه, الله يلوع جبدك وبالجمعيه بعد.
أحمد: شدعوه شباب ذلفوا مالي خلقلكم والله.
امل:يلا احمد انا برروووح تاخرت.
مشت واهيا تتأفف منهم,راحت صوب بنت عمها(رتاج شعرها اسود ناعم طويل مسويته عجفه واصل لاخر ضهرها وبيضا شفايفها ورديه وفوقهم حبة خال متوسطة الطول والوزن) خذتها بيدها وراحوا للباب عشان يطلعونلما التفت علي واهوا يضحك يتطنز على احمد ومواعده الخرطي شافها من بعيد واعجبته ماقدر يلف ولا ثانيه قعد يطالع فيها خذت عقله بلمح البصر,سحبه وليد:علي شفيك تنحت امش......................اها قاعد تطالع رتاج.
علي:هذي ام حبة خال اسمها رتاج...؟؟
وليد:ايه رتاج....بنت جيرانا ولا تعب نفسك لو تموووت ماتقدر عليها مو حق تخربط ابدا...
علي:وليد ورب الكعبه مادري شنو صار فيني لما شفتها,قلبي قعد يدق وليد راسي يعورني....ماابالغ.....وليد حبيتها...........انا حبيتهاااااا.........تعرف شنو يعني حبيتها من اول نضره هذي فيها سحر سحرتني اكييد.
الأربعاء 14 يوليو - 14:22
